Leja e lindjes, Shqipëria si Norvegjia – Shifrat e OKB, jemi në vendin e 6-të në botë
Shqipëria rezulton në krye të listës globale ku sistemi i sigurimeve shoqërore është më bujari karshi prindërve, në drejtim të lejes së lindjes.
Kështu, sipas të dhënave të publikuara nga Organizata e Kombeve të Bashkuara, me lejen e lindjes në 365 ditë, Shqipëria rezulton të jetë e 6-ta në botë. Në kohëzgjatje, njësoj si Shqipëria është edhe Serbia, si dhe Britania e Madhe, por ndryshe nga 2 të tjerat, ndryshon niveli i pagës. Në Shqipëri, deri në 6 muajt e parë të lejes së lindjes, merret 80% e pagës, ndërkohë që pas 6 muajve të para, niveli i pagës zbret në 50%.
Në Serbi përgjatë të gjithë 365 ditëshit merret 100% e pagës, ndërsa në Mbretërinë e Bashkuar, me rreth 90% të pagës përgjatë 52 javëve të lejes së lindjes. Në nivel global në vend të parë qëndron Suedia me 480 ditë leje lindje, dhe me 80% të pagës. Në vend të dytë qëndron Norvegjia me po vit, ashtu si vendi ynë, por me 80% të pagës, dhe më pas ndjek Kroacia me 45 ditë para lindjes dhe 1 vit pas, si dhe me 100% të pagës në 6 muajt e parë, dhe më pas nga 200 deri në 330 euro në muaj, gjatë periudhës së mbetur.
Në Shqipëri, ashtu si në shumë vende të botës është e mundur që lejen e lindjes ta marrë secili nga të dy prindërit.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.