Lejet Mjedisore, Klosi: Jo më kompetencë e shtetit por e Urdhërit të Punonjësit të Mjedisit
Ministria e Turizmit dhe Mjedisit do të heq kompetencën e vendosjes për një lejë mjedisore duke ja kaluar këtë detyrë Urdhëri i punonjësit të Mjedisit. Këtë gjë e ka bërë të ditur Ministri Blendi Klosi gjatë një takimi me studentë dhe pedagogë në fakultetin e inxhinierisë së ndërtimit.
Klosi u shpreh se ka ardhur koha që shteti të marrë shumë më tepër rol kontrollues dhe po ashtu të vendosë penalitete më të forta për dhënien e lejeve të pakoordinuara
“Pra ka ardhur koha që shteti të heq kompetenca nga vetja dhe shteti të marrë shumë më tepër rol kontrollues dhe po ashtu të vendosë penalitete më të forta, qoftë dhe për një inxhinier mjedisi, një ekspert mjedisor që jep një leje të pakoordinuar, që jep një leje të paazhornuar, që jep një leje të patestuar prandaj dhe ky laborator i ri do të bëjë që matjet e reja të jenë shumë moderne, të jenë të jenë më specifike dhe të jenë më të analizuara”.
Sipas Klosit, do jenë inxhinierët ata të cilët do trajnohen posaçërisht për këtë detyrë, që do të vendosin për lejet mjedisore. Lejet mjedisore sipas Ministrit do të kthehen në një sistem, transparent me parametra që vlerësohen online.
Stafet tona tashmë kanë filluar punë për të gjitha lejet mjedisore që janë dhënë për HEC-et. Ne nuk jemi kundër bizneseve, nuk jemi kundër frenimit të iniciativave private në shërbim të industrisë dhe biznesit, por gjetja e një ekuilibri të qëndrueshëm është detyra jonë parësore”.
Ministri i Turizmit dhe Mjedisit ka kërkuar bashkëpunimin e stafit pedagogjik të fakulteteve të inxhinierisë së Ndërtimit dhe atij politeknik të japin kontributin e tyre duke vlerësuar teknikalitetin e problemeve që kanë dalë tashmë në mjedis.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.