Letra e plotë/ Lleshaj i shkruan Metës: Heq dorë nga karriera ushtarake për t’u bërë ministër
Zëvendësministri i Ministrisë së Brendshme, Sandër Lleshaj, i ka drejtuar një letër zyrtare presidentit, Ilir Meta, ku shprehet se heq dorë nga karriera ushtarake për t’u bërë ministër. Letra e plotë është publikuar nga kryeministri, Edi Rama, i cili i ka ridërguar presidentit emrin e Lleshajt për dekretim.
“Ja edhe kërkesa e zv.ministrit të brendshëm, Sandër Lleshi, për Presidentin e Republikës. Tani Presidenti është i lirë të zgjedhë intepretimin që do dhe në njërën rrugë a tjetrën, ta mbyllë procesin me dekretimin e ministrit të brendshëm, siç i’a kërkon Kushtetuta e Shqipërisë”, shkruan Rama në Twitter.
Letra e plotë:
Letra vjen pas bërjes publike më herët të pyetjeve të Presidentit të Republikës drejtuar Ministrisë së Mbrojtjes, ku ndër të tjera thuhej se një gjeneral nuk mund të jetë ministër i Brendshëm.
“Duke qenë se kandidatura e Sandër Lleshaj vjen nga një karrierë e gjatë ushtarake në zbatim të Kushtetutës së Republikës së Shqipërisë, ku ministri si funksion kushtetues është autoritet civil në zbatim të neneve 69, 103, 167/1 të Kushtetutës emërimi i tij në detyrën e ministrit të Brendshëm paraqet një problematikë themelore kushtetuese. Kjo sepse ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti apo veprimtari politike, ndërkohë që një ushtarak i shërbimit aktiv nuk mund të kandidojë dhe as të zgjidhet ministër apo deputet pa hequr dorë më parë nga detyra, shkruan Meta.
Edhe kryeministri Rama ka bërë publike letrën e tij drejtuar presidentit Meta, ku ndër të tjera i shkruan që “Është e tëra e juaja zgjedhja e opinionit tonë të shprehur në përgjigjen e ministër apo e një opinioni të ndryshëm nga i yni dhe, në rast se ky i fundit do të jetë rasti, ju mund ta çdekretoni Sandër Lleshajn si gjeneral aktiv (bazuar në kërkesën e tij drejtuar jush) e pastaj ta dekretoni atë ministër të Brendshëm”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.