Leyen paralajmëron për Brexit: “S’jemi të gatshëm për kompromise!”
Ursula von der Leyen ka thënë se BE është e gatshme të jetë “krijuese” për të arritur një marrëveshje me Mbretërinë e Bashkuar, pasi këshilloi eurodeputetët se interesat evropiane do të shërbeheshin nëse negociatorët mbështesin kompromise.
Ndërsa paralajmëroi në një fjalim në parlamentin Evropian se ajo nuk ishte në gjendje të garantonte që një marrëveshje tregtare dhe sigurie do të arrihej, presidentja e komisionit Evropian tha se ajo kishte besim te “drejtimi i aftë” i Michel Barnier, kryenegociatorit.
Ekziston shqetësimi midis disa vendeve anëtare, megjithatë, që Mbretëria e Bashkuar po e shtyn me sukses komisionin të bëjë lëshime që do t’u japin bizneseve britanike një avantazh në treg gjatë dekadave të ardhshme.
Von der Leyen tha se tekstet ligjore mbi koordinimin gjyqësor dhe të sigurimeve shoqërore, tregtinë e mallrave dhe shërbimeve dhe transportin ishin gati të finalizuara. “Megjithatë, ka ende tre çështje që mund të bëjnë dallimin midis një marrëveshjeje dhe asnjë marrëveshjeje“, shtoi ajo.
Krerët e BE do të takohen në 10 dhjetor. Parlamenti Evropian do të mbajë një sesion të veçantë në 28 Dhjetor për të dhënë pëlqimin e tij për një marrëveshje. Sidoqoftë, çdo marrëveshje do të duhet të finalizohet në ditët në vijim për të lejuar kohë për kontroll dhe përkthim ligjor dhe parlamentar.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.