Li Keqiang flet për ekonominë – “Kina duhet të ulë normën reale të interesit, të nxisë SME-të”
Kryeministri kinez, Li Keqiang, tha se Kina duhet të përdorë më mirë mjetet politike për të nxitur ekonominë, ndërkohë që rritja e PBB po i afron nivelit më të ulët në 3 dekada.
Sipas tij, politikat monetare duhet të përqendrohen më shumë te zhvillimi i ekonomisë reale, veçanërisht tek sipërmarrjet e vogla e të mesme. Li tha se Kina do të përdorë të gjithë kanalet për të ulur normat reale të interesit.
Duhet të sigurojmë që politikat monetare të përqendrohen më shumë te zhvillimi i ekonomisë reale, veçanërisht tek sipërmarrjet e vogla dhe të mesme, për shkak se ato janë forca kryesore e punësimit.
Na duhet të ulin nivelin e normës reale të interesit. Ekonomia kineze duhet të vazhdojë në punësim të plotë për disa kohë, u shpreh Li. Banka Qendrore e Kinës bëri të ditur këtë javë se ka më shumë vend për ekspansion të politikave monetare.
Norma kryesore e huadhënies në Kinë u ul përsëri këtë javë për të ulur kostot e financimit për kompanitë dhe mbështetur ekonominë përballë kërkesës së dobët dhe luftës tregtare.
Ekonomia kineze ka pasur një performancë të qëndrueshme këtë vit dhe qeveria ka besim se do të arrijë objektivat kryesorë ekonomik dhe social për 2019.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.