Librat falas për nxënësit nga klasa e parë në të katërtën – Në dispozicion fondi prej 270 mln lekë
Nxënësit që ndjekin arsimin fillor nga klasa e parë deri në klasën e katërt do të përfitojnë tekstet shkollore falas. Sipas vendimit të Këshillit të Ministrave, çmimi i blerjes së tyre do të mbulohet 100% nga fondet e buxhetit të shtetit.
Blerja e teksteve në emër të prindërve për llogari të nxënësve do të kryhet nga institucioni arsimor.
Ndërkohë, sa i takon likuidimit të faturës tatimore ndaj subjekteve, shtëpive botuese, realizohet nga njësia arsimore vendore, me fondet e miratuara si “Transfertë tek individët”.
Ndërsa, për zbatimin e këtij vendimi është parashikuar një fond prej 270 milionë lekësh, i parashikuar në buxhetin e miratuar në vitin 2018.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.