Lideri rus i opozitës rikuperohet nga helmimi i dyshuar: “Mund të marr frymë vet”
Lideri rus i opozitës Alexei Navalny tha se po merrte frymë vetë, në deklaratën e tij të parë që nga helmimi i tij i dyshuar.
“Unë ende nuk mund të bëj asgjë, por dje isha në gjendje të merrja frymë vetë tërë ditën,” tha Navalny në Instagram ku postoi një foto të tij në një spital të Berlinit.
Kjo vjen një ditë pasi spitali Charité tha se gjendja e tij është përmirësuar ndjeshëm dhe se ai ishte në gjendje të linte shtratin e tij për periudha të shkurtra kohore.
Navalny, figura kryesore e opozitës ndaj Vladimir Putin të Rusisë, u helmua me Novichok, një agjent nervor i epokës Sovjetike, sipas disa analizave laboratorike evropiane.
Zyrtarët gjermanë së pari konfirmuan helmimin pasi ai u dërgua në Berlin në fund të gushtit. Autoritetet njoftuan dje se laboratorë të specializuar në Francë dhe Suedi gjithashtu kishin konfirmuar gjetjen.
Navalny, i cili është një nga kundërshtarët më të dukshëm të Putinit, u sëmur në një fluturim të brendshëm në Rusi. Berlini i ka kërkuar Rusisë të hetojë çështjen.
D.B – SCAN
Burimi: Euronews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.