Liderit e Ballkanit në Vjenë, Kurz: Mbështesim rrugën e rajonit drejt BE-së. Hahn: Më shumë bashkëpunim

Pesë liderit e Ballkanit, kryeministri i Shqipërisë, i Kosovës, Bosnjë-Hercegovinës, Serbisë dhe malit të zi ndodhen në Vjenë në një takim me ftesë të kancelarit austriak Sebastian Kurz. i pranishëm ishte edhe komisioneri për zgjerimin në BE Johannes Hahn.

Bashkimi Europian dot ë jetë i plotë vetëm kur vendet e Ballkanit të jenë anëtare, tha Kurz në fjalën e tij, ndërsa shtoi se Austria ofron mbështetje të plotë.

 “Austria është një partner i rëndësishëm për vendet e Ballkanit Perëndimor. Ne kemi një lidhje të fortë historike, ekonomike, politike, kulturore dhe njerëzore me këtë rajon, ndaj mendojmë se BE do të jetë i plotë kur vendet e Ballkanit Perëndimor të jenë anëtare. Për këtë arsye mbështesim vendet e Ballkanit Perëndimor në rrugën e tyre drejt BE dhe jemi të fokusuar veçanërisht në këtë rajon gjatë presidencës sonë të BE. Sot kemi mundësi të përqendrohemi tek tre çështje me rëndësi. E para, rruga e rajonit drejt BE-së, e dyta, bashkëpunimi i domosdoshëm rajonal, dhe e treta, zgjidhja e konflikteve bilaterale”.

Komisioneri për zgjerimin Johannes Hahn theksoi se zgjerimi i BE kërkon që vendet e Ballkanit të rrisin më shumë bashkëpunimin dhe të rrëzojnë të gjitha barrierat mes tyre.

“Siç e dini, zgjerimi i BE me vendet e Ballkanit Perëndimor është një prej përparësive kyçe të presidencës austriake dhe pikë së pari jemi shumë të lumtur që kemi zgjedhur këtë si përparësi dhe e dyta, jo vetëm që kemi zgjedhur, por kemi bërë hapa konkretë në këtë drejtim dhe takimi i sotëm është provë i këtij angazhimi të fortë. Një prej tematikave të sotme ishte puna për krijimin e një zone ekonomike rajonale, si parakusht për integrimin e mëtejshëm në tregun e përbashkët europian. Për këtë është e rëndësishme të rrëzohen barrierat, qofshin formale apo informale, por edhe të prezantojmë element të reja. Bashkëpunimi në sektorë si energjia është një tjetër element, si dhe të tjerë. E rëndësishme është që të rritet volume tregtar midis vendeve dhe mund të shohim që për herë të parë nga 2016 në 2017 u verifikua një rritje e lehtë që është premtuese por duhet t’ju them që në 10 vitet e fundit, volumi tregtar i vendeve të Ballkanit Perëndimor me Bashkimin Europian është dyfishuar në 46 miliardë euro. E kjo tregon sa potencial ka në këtë rajon, sidomos duke mbajtur parasysh që këto vende kanë një mesatare rritje dy herë më të lartë se mesatarja e BE-së. Ajo që është e rëndësishme është që të gjenden mënyra për të shfrytëzuar dhe mobilizuar këto potenciale, e për këtë është e rëndësishme që vendet të tregohen më të shpejta për të gjetur dakordësinë midis tyre për një numër çështjes, duke rritur më tej bashkëpunimin ndërrajonl”.

Në takim mungonte vetëm kryeministri i Maqedonisë Zoran Zaev, për shkak të situatës politike në vend.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.