‘Lidhjet e reja të energjisë, monopol i OSHEE’ – ISHTI kërkon ndërhyrjen e ERE, Paci: Nuk merret deklarata e konformitetit nga instalues të certifikuar

Lidhjet e reja të energjisë në rrjet janë monopolizuar nga Operatori i Shpërndarjes së Energjisë Elektrike, duke mos zbatuar legjislacionin në fuqi që parashikon pajisjen e me “deklaratën e konformitetit” që lëshohet në përfundim të instalimit nga instaluesit e certifikuar. Shqetësimi ngrihet nga Inspektorati Shtetëror Teknik dhe Industrial, që është institucioni përgjegjës për monitorimin e instalimeve elektrike, duke shtuar se kjo sjell një sërë problemesh në drejtim të mirëmbajtjes, rrjetit, por edhe të sigurisë të njerëzve.

Lidhjet e reja të energjisë në rrjet janë monopolizuar nga Operatori i Shpërndarjes së Energjisë Elektrike, duke mos zbatuar legjislacionin në fuqi që parashikon pajisjen e me “deklaratën e konformitetit” që lëshohet në përfundim të instalimit nga instaluesit e certifikuar. Shqetësimi ngrihet nga Inspektorati Shtetëror Teknik dhe Industrial, që është institucioni përgjegjës për monitorimin e instalimeve elektrike.

Sipas Pacit, kjo situatë sjell një sërë problemesh në drejtim të mirëmbajtjes, rrjetit, por edhe të sigurisë të njerëzve.

Për këto arsye Insperktorati Shtetëror Teknik dhe Industrial ka kërkuar edhe ndërhyrjen e Entit Rregullator të Energjisë, në mënyrë që në zbatim të vendimeve të Këshillit të Ministrave, në rregulloren e lidhjeve të reja në sistemin e shpërndarjes, të përcaktohet detyrimi i subjektit për të bërë regjistrimin si kusht ligjor, përpara vënies në shfrytëzim, vërtetuar me dokumentin përkatës të lëshuar nga ana e ISHTI-t. Po ashtu, për lidhjet e reja në tensionin e ulët, të kërkohet projekti elektrik, sikurse e përcakton edhe legjislacioni në fuqi.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.