Ligji 7501, afatet dhe procedurat për pajisjen me titullin e pronësisë
Do të mjaftonin më pak se 4 muaj që qytetarët, të cilët kanë në përdorim tokë bujqësore të ndarë me ligjin 7501, të pajisen me titull pronësie.
Ky nuk do të ishte një parashikim nëse institucionet përgjegjëse do të respektonin në mënyrë rigoroze afatet ligjore. Lindita Tako, drejtore e Komisionit për Verifikimin e Titujve të Pronësisë (KVVTP) në prefekturën e Tiranës thotë se nëse numri i familjeve të cilat nuk kanë titull pronësie pavarësisht se përdorin sipërfaqe toke është shumë më i madh dhe po ashtu edhe ngarkesa e institucioneve të përfshira në këtë proces. Përmes një interviste dhënë për gazetën “Panorama”, Tako sqaron procedurat që duhet të ndiqen për t’i shkuar deri në fund procesit.
Prej 2008-s nuk ka ndarje të tokës bujqësore mbështetur mbi ligjin 7501 datë 19.07.1991, por është në proces pajisja me tapi e familjeve që i kanë në posedim këto sipërfaqe. Cila është situate aktuale dhe problematikat e vërejtura?
“Kjo është e vërtetë, pasi me hyrjen në fuqi të ligjit 9948 datë 7.7.2008 “ Për shqyrtimin e vlefshmërisë ligjore të krijimit të të titujve të pronësisë mbi token bujqësore”, ish- komisionet e ndarjes së Tokës të krijuar në bazë të nenit 7 të ligjit nr. 7501 për token të ndryshuar mbaruan funksionimin dhe veprimtarinë e tyre të ndarjes së tokës, i disponuar nga komisionet e mësipërme, u dorëzua pranë zyrës vendore të regjistrimit Pasurive të paluajtshme. Me ligj u krijuan Komisionet e Verifikimit të Titujve të Pronësisë (KVVTP) pranë prefektëve të qarqeve, objekt i punës së të cilëve është verifikimi i vlefshmërisë ligjore të krijimit të akteve të marrjes së tokës në pronësi si (AMTP), të krijuar deri në hyrjen në fuqi të ligjit 9948 datë 7.7.2008, proces i cili vazhdon ndërkohë.
Në lidhje me situatën aktuale si dhe problematikat e vërejtura, duhet thënë që zbatimi në praktikë i VKM dhe ligjeve të mësipërme, për sa i përket procesit të pajisjes me AMTP, nuk ka pasur ecurinë e pritur, madje në disa njësi administrative thuajse nuk ka nisur fare edhe pse ka shumë familje bujqësore, të cilët përdorin token bujqësore të ndarë nga ish Komisioni i Ndarjes së Tokës, por që nuk kanë përfituar nga AMTP në lidhje me të”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.