“Ligji i ri dëmton konkurrencën në tenderë” – “Ligjet” rrëzojnë dekretin e Metës: Kundërshtimet s’lidhen me parashikimet ligjore

Me 15 vota kundër dhe 1 pro, Komisioni parlamentar i Ligjeve ka rrëzuar dekretin e presidentit Ilir Meta që kthente për rishqyrtim ligjin “Për prokurimin publik”. Këshilltari ligjor i presidentit, Bledar Dervishaj risolli edhe njëherë në vëmendje argumentet, me të cilët u kërkua ndryshimi i ligjit, duke theksuar se mangësitë  në disa dispozita, që shmangin procedurat e hapura të prokurimeve dhe dëmtojnë konkurrencën e lirë të operatorëve ekonomikë.

Ndërkaq, deputetja Klotilda Bushka theksoi se ligji është konsultuar gjerësisht dhe ka marrë miratim edhe nga institucionet ndërkombëtare. Sipas saj, kundërshtimet e presidentit lidhen me formën sesi shikohen procedurat e prokurimit publik.

Ligji i ri parashikon lehtësimin e procedurave tenderuese për operatorët ekonomikë, teksa vendos mekanizma mbrojtëse për autoritetet kontraktore, duke kërkuar rritjen e përgjegjëshmërisë së biznesevenë drejtim të sigurimit të ofertës dhe tërheqjen e opertarëve ekonomikë nga nënshkrimi i kontratës. Gjithashtu, parashikohet dhe shtimin i llojit të proceduarve tenderuese që mund të përdoren, teksa shton edhe një sërë mekanizmash ankimues. Më konkretisht, me ligjin e ri ankesat do të mund të depozitohen njëkohësisht pranë autoriteti kontraktor dhe Komisionuit të Porkurimit Publik, duke mos pritur 2 afate ankimuese. Gjithashtu, ligji i ri lejon ankesat edhe për prokurimet me vlerë të vogël dhe për proceduart me negocim, pa shpallje parrpake, që njihen edhe si procedurat më pak konkurruese. Për herë të parë, në legjislacionin shqiptar futet dhe koncepti i pavlefshërisë së kontratës, në rast të konstatimit të shkeljeve.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.