Ligji për “vetëqeverisjen vendore” – INFOÇIP: Zbatim, vetëm 35-38%.  Kuko: Transparencë dhe vetëfinancim

Ligji për vetëqeverisjen vendore rezulton se  është vënë në zbatim vetëm 35-38%.  ky është rezultati i raportit të qendrës për çështjet e informimit Publik, INFOÇIP nga një vëzhgim i kryer në 3 bashki të vendit  në Tiranë, Kamëz dhe Vorë.

E pranishme në prezantimin e raportit, zëvendësministrja e punëve të brendshme Romina Kuko bëri të qartë  bashkive në vend  se duhet të  jenë transparente dhe  të menaxhojnë të ardhurat nga taksimi i cili me reformën territorial është zgjeruar. Kuko theksoi se për të  investuar, bashkitë duhet   të ulin kërkesën për transferta dhe financime nga qeveria qendrore.

Drejtori i INFOÇIP Gerti Shella referuar raportit theksoi se në zbatimin e ligjit i cili ka hyrë në fuqi që prej 2015 –ës ka mangësi  sa i takon praktikave të buxhetimeve  me pjesëmarrje. Shella shtoi se këshillat bashkiakë nuk i kanë adoptuar ende  rregullat e reja të ligjit  lidhur me pronat.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.