Linjë e re ajrore Tiranë-Nice/ Veliaj: Ulja e çmimeve ka sjellë bum fluturimesh. Terminali po zgjerohet me 6 porta të tjera
Linja e re ajrore direkte Tiranë-Nice (Nis), low cost, i është shtuar tregut të fluturimeve, duke bërë që vendi ynë të ketë më shumë mundësi të rrisë fluksin e turistëve që duan ta zbulojnë Shqipërinë, por edhe qytetarë shqiptarë që duan të udhëtojnë drejt Francës.
Linja e re e “Wizz Air” është përuruar nga Kryebashkiaku Erion Vleliaj, i cili e konsideroi si një lajm shumë të mirë në vitin që Tirana është Kryeqytet i Rinisë.
Kryebashkiaku theksoi se në këto vite tranzicioni, aeroporti “Nënë Tereza” ka ulur barrierat dhe çmimet e biletave për qytetareve dhe po bën investime të mëdha për të shtuar fluksin e fluturimeve.
Së shpejti “Wizz Air” do të nisë fluturime direkte edhe me Lionin si dhe aeroportin “Charles De Gaulle” (Sharl dë Gol) në Paris.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.