Lira turke dhe rubla ruse kryesojnë me rritjen – Normat e interesit favorizojnë valutat
Lira turke ishte performuesja më e mirë mes 24 valutave të tregjeve në zhvillim, pasi politikëbërësit dolën kundër Erdogan duke rritur normat e interesit për të ndihmuar valutën në vështirësi. Lira u forcua nga 16.7 lekë për njësi, deri në 18 lekë brenda pak orësh, për të rënë sërish në kuotën e 17.5 lekëve për njësi. Tashmë valuta turke ndodhet në nivelin më të lartë që prej fundit të muajit Gusht.
Edhe rubla ruse kaloi nga humbjet në fitime, pasi banka qendrore shpalli papritur një rritje të normave të interesit për herë të parë që prej vitit 2014. Megjithatë për ekonominë ruse mbetet risku i inflacionit, për shkak të performancës së valutës, si dhe kërcënimeve nga SHBA për sanksione të tjera.
Të dyja ekonomitë, si ajo ruse edhe ajo turke, regjistruan të dhëna pozitive që vijnë nga treguesit ekonomikë. Në Turqi, prodhimi i brendshëm bruto u rrit me 5.2% gjatë tremujorit të dytë, ndërsa ekonomia ruse u zgjerua më shpejt se parashikimet.
Ndërkohë, lufta tregtare dobësoi më tej juanin kinez. Në vështirësi ndodhet edhe rupia indiane, megjithatë qeveria njoftoi se do të ndërmarrë masa mbështetëse për të forcuar valutën. Performancën më të keqe ndërkohë e patën reali brazilian dhe pëso argjentinase. Në rritje u shfaqën ndërkohë kuoni korean, randi jugafrikan dhe peso meksikane.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.