Liria e medias në Shqipëri – Vendi ka ende shumë për të bërë. BE mbështet të drejtat e gazetarëve në punë

Shqipëria ka ende shumë për të bërë në lidhje me lirinë dhe profesionalizimin e medias. Kjo është një nga deklaratat e bëra në  forumin e IV vjetor të Zhvillimit të Medias nga ndërkombëtarët.  Ndërkohë që ambasadori i BE-së në Tiranë Luigi Soreca ka nënvizuar faktin se janë të vendosur që të mbështesin  të drejtat e gazetarëve në punë .

Kryetarja e Komisionit për Edukimin dhe Mjetet e Informimit , Albana Vokshi ka ngritur shqetësimin jo vetëm për sigurinë e reporterëve gjatë punës por edhe financimin e dyshimtë që bëhet në disa raste për median.

Gjatë forumit u diskuat mbi lirinë e medias, rregullimi dhe vetë-rregullimi në internet; pronësia e përmbajtjes, kushtet e punës për gazetarët, nga siguria ekonomike në atë fizike.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.