Lista e barnave të rimbursueshme 2018 – Rënia e euros ndikon në uljen e çmimit të medikamenteve të importuara
Pacientët shqiptar tashmë do të kenë listën e re të barnave të rimbursuar. Pas dy viteve që kjo listë nuk rinovohej pritet që në maj, pacientët dhe mjekët ti referohen listës së re.
Në këtë listë janë shtuar 36 medikamente të reja, sipas Ministrisë së Shëndetësisë. Por vetëm 16 prej tyre janë me princip aktiv dhe pjesa tjetër janë alternativa. Duke qenë se për dy vite buxheti i shtetit dhe pacientët kanë paguam më shumë për medikamentet, me hartimin e listës së re do të kemi edhe ulje të shpenzimeve “ekstra”.
Kjo pasi në listën e re referohen çmimet aktuale të medikamenteve që ka tregu, si dhe përllogaritjet bëhen me vlerën reale që ka euro. Në tregun shqiptar euro është në fazën rënëse të saj, kjo do të thotë që kompanitë farmaceutike do të fitojnë më pak, e në të njëjtën kohë shteti dhe qytetarët do të paguajnë më pak.
Referuar marzhit të tregtimit me shumicë dhe pakicë do të vijojnë të jenë të njëjtat me dy vite më parë.
Kështu grosistët, shitësit me shumicë do të kenë një marzh fitimi 8% ndërsa shitësit me pakicë, farmacitë do të vijojnë të kenë një marzh fitimi deri në 24%. Ndërkohë buxheti për rimbursimin e barnave për vitin 2018 është 10.4 miliardë lekë.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.