Lista e pasaportave më të fuqishme (dhe më të ‘dobëta’) në botë ndikuar nga konflikti në Ukrainë!

Mbyllja e hapësirës ajrore për shkak të agresionit ushtarak të Rusisë dhe hapja e kufijve për refugjatët ukrainas ka filluar të ushtrojë ndikim në liritë globale të udhëtimit, sipas të dhënave më të fundit për pasaportat më të përshtatshme për udhëtime në botë. Ndërsa ka pasur pak ndryshime në krye të listës së vendeve me të ashtuquajturat pasaporta të fuqishme që do të thotë ato me opsionet më të mëdha të udhëtimit pa viza në mbarë botën konflikti i fundit ka filluar t’i shkundë gjërat në indeksin e përpiluar nga firma këshilluese për shtetësinë dhe vendbanimin global me bazë në Londër Henley & Partners.

Që nga shpërthimi i luftës në fund të shkurtit, shumë vende ose kanë ndryshuar politikat e tyre të hyrjes ose kanë hequr plotësisht kërkesat për viza për mbajtësit e pasaportave ukrainase, që do të thotë se Ukraina është ngritur në një rekord të lartë në raport. Ndërkohë, Bashkimi Europian, Shtetet e Bashkuara dhe Kanadaja kanë ndaluar të gjithë operatorët rusë nga hapësira e tyre ajrore, ndërkohë që disa destinacione nuk po lëshojnë më viza për qytetarët rusë, “duke e dënuar në mënyrë efektive pasaportën ruse me status të pavlerë në pjesën më të madhe të botës së zhvilluar”, sipas raportit nga Henley & Partners. Megjithëse kjo nuk ka ndikuar ende në mënyrë dramatike në pozicionin e Rusisë në listë, raporti sugjeron se kjo ka të ngjarë të ndryshojë në muajt e ardhshëm.

Indeksi i pasaportave Henley të firmës, bazuar në të dhënat ekskluzive të ofruara nga Shoqata Ndërkombëtare e Transportit Ajror (IATA), ka monitoruar rregullisht pasaportat më të përshtatshme për udhëtime në botë që nga viti 2006. Në listën për tremujorin e dytë të 2022, Ukraina është ngritur një vend dhe tani renditet e 34-ta në indeks dhe shtetasit e saj tani mund të udhëtojnë në 143 destinacione pa viza (ose viza në mbërritje). Rusia ka zbritur katër vende në vendin e 49-të, me udhëtime të hapura në 117 vende, një pozicion që pritet të përkeqësohet pasi pezullimet e vizave dhe sanksionet janë zyrtarizuar.

Shkundja e fundit tregon qartë “ndikimin e thellë dhe ndoshta të pakthyeshëm të luftës në lirinë e lëvizjes”, sipas raportit. Maja e indeksit mbetet e njëjtë si më parë, me Japoninë dhe Singaporin që ndajnë vendin e parë. Mbajtësit e këtyre pasaportave janë në gjendje të udhëtojnë në 192 destinacione pa viza në teori, por vlen të theksohet se kjo nuk merr parasysh kufizimet e përkohshme. Shtetasit afganë ulen sërish në fund të indeksit dhe mund të hyjnë në vetëm 26 vende pa kërkuar vizë paraprakisht.

Pasaportat më të fuqishme për të mbajtur në vitin 2022 janë:

1. Japoni, Singapor (192 destinacione)
2. Gjermania, Koreja e Jugut (190)
3. Finlandë, Itali, Luksemburg, Spanjë (189)
4. Austri, Danimarkë, Holandë, Suedi (188)
5. Francë, Irlandë, Portugali, Mbretëria e Bashkuar (187)
6. Belgjika, Zelanda e Re, Norvegjia, Zvicra, Shtetet e Bashkuara (186)
7. Australi, Kanada, Republika Çeke, Greqi, Maltë (185)
8. Hungaria (183)
9. Lituani, Poloni, Sllovaki (182)
10. Estonia, Letonia, Sllovenia (181)

 Disa vende anembanë botës kanë akses pa viza ose me viza në momentin e mbërritjes në më pak se 40 vende përfshirë:

105. Koreja e Veriut (39 destinacione)
106. Nepali dhe territoret palestineze (37)
107. Somali (34)
108. Jemeni (33)
109. Pakistan (31)
110. Siri (29)
111. Irak (28)
112. Afganistan (26)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.