Lista e re, legalizohen ndërtesat dhe shtesat përreth Tiranës! ALUIZNI: Emrat e qytetarëve që duhet të paraqiten për tërheqjen e lejes

Agjencia e Legalizimit, Urbanizimit dhe Integrimit të Zonave të Ndërtimeve Informale ka publikuar listën me emrat e 63 personave që kanë përfituar tashmë lejen e legalizimit.

Këto leje jepen për shtesat e objekteve. Përfituesit janë të gjithë nga zonat përreth Tiranës. Drejtoria e ALUIZNI-t njofton qytetarët se duhet të paraqitet pranë zyrave të ALUIZNI-t, Tirana 2 për të tërhequr lejet e legalizimit.

Po ashtu, Agjencia e Legalizimit, Urbanizimit dhe Integrimit të Zonave të Ndërtimeve Informale ka publikuar listën me 1200 banorë që kanë gati lejen e legalizimit në Tiranë. “Vetëdeklaruesit që kanë emrin në listë duhet të paraqiten pranë zyrave rajonale të ALUIZNI-t, Tiranë me dokument identifikimi. Përfituesit duhet të tërheqin një kopje të lejes së legalizimit dhe më pas presin që Agjencia e Legalizimeve të ndjekë procedurën pranë Zyrës së Regjistrimit të Pasurive të Paluajtshme për pajisjen e tyre me çertifikatën e pronësisë” njofton ALUIZNI.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.