Listëpagesa e unifikuar – Të gjithë institucionet publike në një sistem

Sistemi i ri i unifikuar për gjenerimin e pagës së nëpunësve të administratës publike, ndërtuar nga Departamenti i Administratës Publike në bashkëpunim me Ministrinë e Financave, tashmë  do të jetë efektiv.

Gjatë prezantimit të  këtij sistemi, Ministrja për Inovacionin dhe Administratën Publike, Milena Harito, vlerësoi  rëndësinë e një administrate të kualifikuar në proceset e integrimit të vendit.

Sipas saj, fakti se 20-30 % të vendeve të shpallura janë ende vakante përbën një provë se procesi është transparent, pasi do të thotë se kandidatët nuk kanë plotësuar kriteret.

Ndërsa zëvendësministri i Financave, Ervin Mete tha, se ky sistem është pjesë e strategjisë së qeverisë për mirëmanaxhimin e financave publike.

Konsolidimi i administratës publike  është një ndër pikat e nxehta  të debateve politike në vend. Ndërkohë  që konsolidimi i saj është një ndër 5 prioritetet që  ka vendosur Bashkimi Europian për  të përmbushur nga qeveria shqiptare në procesin e integrimit të vendit.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.