Llava në acar – Shpërthimi i parë vullkanik në 800 vjet është i sigurt dhe ‘adhurohet’ nga islandezët

Pothuajse 45,000 njerëz kanë vizituar malet Fagradalsfjall, rreth 20 milje larg Reykjavík, që kur shpërthimi vullkanik filloi një muaj më parë. Është shpërthimi i parë në zonë për 800 vjet.

Populli i Islandës ka përqafuar fenomenin natyror, duke postuar mijëra imazhe të llavës në mediat sociale dhe duke parë transmetime të drejtpërdrejta 24 orë.

Vendi është “një nga vendet vullkanikisht më  shpërthyese në tokë”, sipas Thorvaldur Thordarson, profesor i vullkanologjisë në Universitetin e Islandës. “Në terma të thjeshtë, Islanda është një vullkan i madh.”

Por është e rrallë që një shpërthim të jetë kaq i arritshëm për publikun – dhe shkencëtarët – sa kjo. “Është shumë e arritshme, njerëzit mund të afrohen në mënyrë të arsyeshme dhe të jenë të sigurt”, tha Thordarson, i cili ka vizituar disa herë për të mbledhur mostra dhe për të bërë matje.

Shpërthimi është krahasimisht “shumë i qetë”, shtoi ai. “Fluksi që vjen nga shfryrjet është rreth 10 metra kub në sekondë. Mundësia e një shpërthimi s këtu është shumë e ulët.”

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.