Lojëra fati të kundërligjshme – Procedohet penalisht një shtetas dhe sekuestrohen kompjuter dhe 7 monitorë

Sipas njoftimit të Policisë së Shtetit, në qarkun e Dibrës, në kuadër të evidentimit dhe ndëshkimit të personave që vijojnë ende të ushtrojnë aktivitetin e kundërligjshëm të lojërave të fatit, është proceduar penalisht 1 shtetas, për veprën penale “Organizimi i lotarive të palejuara”.

Policia bën me dije se janë sekuestruar gjithashtu në cilësinë e provës materiale 1 njësi kompjuterike, 7 monitorë dhe 1 telefon.

Në njoftim shkruhet se Specialistët për Hetimin e Krimit në Komisariatin e Policisë Mat proceduan në gjendje të lirë shtetasin E. H., 36 vjeç, banues në Klos, pasi në qytetin e Klosit, në një lokal të marrë me qira nga ana e tij, u konstatua se ushtronte aktivitet të kundërligjshëm të lojërave të fatit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.