Lojërat e fatit në Kushtetuese – Shtyhet kërkesa për heqjen e koncesionit të miratuar në mars
Gjykata Kushtetuese ka nisur shqyrtimin e kërkesës së Shoqatës së Lojërave të Fatit për shfuqizimin e koncesionit të sistemit për mbikëqyrjen e këtij sektori. SCAN ka mësuar se Gjykata Kushtetuese ka pranuar kërkesën e Shoqatës së Lojërave të fatit, ndërkohë që ka shtyrë për një seancë tjetër dëgjimin e pretendimeve të saj dhe të Ministrisë së Financave.
Koncesioni për ndërtimin e sistemit të monitorimit online të lojërave të fatit ka ndezur një konflikt mes kompanive të këtij sektori, të përfaqësuar nga Shoqata e Shoqërive të Lojërave të Basteve Sportive dhe Ministrisë së Financave.
Shoqata pretendon se koncesioni, i miratuar në mars të këtij viti, dublon rolin e Autoritetit të Monitorimit të Lojërave të Fatit, duke i detyruar kompanitë të paguajnë disa herë tarifa për një shërbim që duhet ta kryente vetë autoriteti.
Koncesioni për ndërtimin dhe mirëmbajtjen e sistemit të monitorimit të lojërave të fatit është parashikuar të jetë 30 vjet.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.