Lojërat e fatit – Veliaj: Ndalimi i basteve, ndër vendimet më të mira
Kryetari I Bashkisë së Tiranës, Erion Veliaj, ka përshëndetur vendimin e qeverisë për mbylljen e pikave të basteve dhe kazinove. Gjatë takimit të tij me banorët e Njësisë 5 për konsultime mbi Buxhetin 2019, Veliaj ka deklaruar se ky është një ndër vendimet më të mira që është marrë ndonjëherë.
Më herët, kryebashkiaku është shprehur më herët se mbyllja e kazinove dhe basteve do të krijojë hapësira më të mëdha për biznese në kryeqytet.
Më tej, ai është ndalur edhe te vendimi i qeverisë, përmes të cilit Bashkisë së Tiranës i është dhënë 2.5 hektar tokë pranë Gardës së Republikës, që sipas tij, do t’i nënshtrohet rehabilitimit për t’iu bashkuar më pas liqenit.
“Sapo i është dhënë bashkisë 2.5 ha tokë pranë Gardës për ti rehabilituar dhe për t’ia bashkuar liqenit. Garda do t’i kthehet qytetarëve që do të kenë një park liqeni më të madh falë hapësirës që marrim nga garda e republikës”, u shpreh Veliaj.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.