Lokali me ‘kamarier robot’ – Ja përshtatja teknologjike në kohë pandemie për të ruajtur distancimin shoqëror

Pasi arriti të përmbajë shpërthimin e koronavirusit të ri i cili infektoi më shumë se 11,000 njerëz dhe vrau 267, Koreja e Jugut po kalon ngadalë nga rregullat intensive të distancimit shoqëror drejt asaj që qeveria e quan “distancim në jetën e përditshme”.

Robotët mund të ndihmojnë njerëzit të vëzhgojnë distancimin shoqëror në publik, tha Lee Dong-bae, drejtor i kërkimit në Vision Semicon, një ofrues i zgjidhjeve smart i cili zhvilloi kamarierin-robotin së bashku me një institut shkencor shtetëror.

Sistemi, i cili përdor një krah robotik për të bërë kafe dhe një robot shërbyes, mund të bëjë 60 lloje të ndryshme kafe dhe u shërben pije klientëve në tavolinat e tyre. Ai gjithashtu mund të komunikojë dhe transmetojë të dhëna në pajisje të tjera dhe përmban teknologji vetë-drejtuese për të llogaritur rrugët më të mira rreth kafenesë.

Një porosi prej gjashtë pijesh, të përpunuara përmes një kioskë, zgjatën vetëm shtatë minuta. Punonjësi i vetëm njerëzor në kafenenë dy katëshe ishte një pastrues që gjithashtu ka disa detyra pastrimi dhe rimbush përbërësit. Prodhuesi dhe instituti shkencor synojnë të furnizojnë të paktën 30 kafene me robotë këtë vit.

“Robotët janë argëtues dhe ishte e lehtë sepse nuk keni pse të shkoni të merrni vetë porosinë tuaj,” tha studenti Lee Chae-mi, 23 vjec. “Por unë jam gjithashtu pak i shqetësuar për tregun e punës pasi shumë nga miqtë e mi janë kamarier me kohë të pjesshme në kafene dhe këto robotë presupozohet të zëvendësojnë njerëzit “.(Reuters)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.