“Lufta” kundër torturës dhe trajtimit çnjerëzor/ Kush janë 3 kandidatët që garojnë për të përfaqësuar Shqipërinë

Nënkomisioni parlamentar “Për të Drejtat e Njeriut” dhe  delegacioni i Kuvendit vijuan procedurën e përzgjedhjes së kandidatëve për anëtar të Shqipërisë pranë Komitetit Europian për Parandalimin e Torturës dhe Trajtimit ose Ndëshkimit Çnjerëzor ose Degradues (CPT).

Pas vlerësimit të kushteve dhe kritereve ligjore të kandidatëve nga paneli i  ekspertëve,  kandidatët e miratuar për të t’u bërë pjesë e mbrojtjes së personave të privuar nga liria dhe torturës janë Arta Mandro, Helena Papa dhe Aurel Boriçi.

Lista e votuar do t’i përcillet Asamblesë Parlamentare të Këshillit të Europës për të vazhduar më tej procesin e përzgjedhjes së anëtarit përfaqësues të Shqipërisë.

Jenida Vladi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.