Lufta kundër trafikimit të armëve – Xhafaj: Së shpejti nisim një operacion për shkatërrimin e tyre
Lufta kundër trafikimit të armëve, një iniciativë e Francës dhe Gjermanisë, është vënë në fokus të angazhimeve të vendeve të Bashkimit Europian me Ballknin Perëndimor për garantimin e sigurisë. Në takimin e organizuar nga BE ishte i pranishëm dhe ministri i Brendshëm, Fatmir Xhafaj, i cili theksoi se Shqipëria ka ndërmarrë një sërë masash në këtë drejtim. Xhafaj shtoi se vitin e ardhshëm, ministria që ai drejton, do të nis një operacion shkatërrimi, duke kërkuar asistencë në teknologji.
Ministri për Evropën dhe Punët e Jashtme, Ditmir Bushati, vlerësoi sit ë rëndësishme ndalimin e eksportimit të armëve në vendet në konflikt, si dhe unifikimin e legjislacionit me BE, të vendeve kandidate.
Për përfaqësuesit ndërkombëtar, ky është një kërcënim për mbarë botën i cili kërkon bashkëpunim më të gjerë për ta luftuar. Në 11 dhjetor pritet të mbahet në Paris konferenca e donatorëve ku do të prezantohen strategjitë që do të ndërtohen për të luftuar trafikimin e paligjshëm të armëve .
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.