“Lufta me Kinën mund të shkatërrojë dollarin” – Miliarderi Daloi shprehet se tensionet mund të dëmtojnë më shumë SHBA
Investitori miliarder Ray Dalio ka paralajmëruar se përshkallëzimi i tensioneve midis SHBA-së dhe Kinës mund të çojë në një “luftë kapitale” me pasoja të mëdha për vlerën e dollarit.
Dalio, themeluesi i firmës së administrimit të investimeve Bridgewater Associates, tha për Fox se të dy vendet janë aktualisht në një “luftë civile ideologjike” dhe nëse nuk do të punojnë së bashku, ekonomia amerikane do të binte.
“Ne jemi në konflikt me Kinën. Ju mund ta quani atë një luftë,” tha Dalio. “Ka një luftë tregtare, ka një luftë teknologjike, ka një luftë gjeopolitike dhe mund të ketë një luftë kapitale.”
Ai vazhdoi duke thënë se nëse qeveria amerikane ndalon investimet në Kinë ose heq dorë nga pagesa e borxhit kinez, situata do të bëhej më problematike për ekonominë amerikane.
Ai tha se është më i shqetësuar për “qëndrueshmërinë” e dollarit amerikan sepse aktualisht ai është armiku i vetvetes.
Të hënën, dollari ra në një nivel shumë të ulët shumëvjeçar dhe analistët presin që ai të dobësohet më tej kundrejt monedhave kryesore. Indeksi i dollarit, një matës krahasimor me monedhat e tjera të huaja, ra për 0,5% në nivelin e tij më të ulët që nga viti 2018.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.