Lufta ndaj korrupsionit – Gati platforma e ankesave online, dritare e veçantë dhe për biznesin

Kryeministri Edi Rama ka prezantuar platformën online të bashkëqeverisjes, përmes së cilës qytetarët do të kenë mundësi jo vetëm të depozitojnë ankesat e tyre në drejtim të një shërbimi, por edhe të shprehin opinione për projekte të caktuar, të orientojnë prioritetet e qeverisë apo edhe të thërrasin të interpelancë kryeministrin apo ministrat.

Një dritare e veçantë në këtë platformë i është dedikuar biznesit, ku çdo sipërmarrës që ka sugjerime, kritika apo raste korrupsioni për të denoncuar mund ta bëjë këtë online, ndërkohë që brenda 10 ditësh do të marrë një përgjigje.

Platforma online e bashkëqeverisjes do të nisë funksionimin ditën e hënë, ndërkohë që rreth 30 persona do të merren me shqyrtimin e ankesave dhe sugjerimeve. Përzgjedhja e këtyre punonjësve u parapri nga një thirrje publike e vetë kryeministrit, ndërsa në total u regjistruan 800 aplikime.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.