Lufta ndaj pastrimit të parave, Gjokuta: Progres i ndjeshëm, bankat rol bashkëpunues, nisma të tjera
Lufta ndaj pastrimit të parave në Shqipëri, ashtu si në botë, duke qenë se është një fenomen global, përmban shumë sfida.
Raporti më i fundit i `Moneyval` për pastrimin e parave në Shqipëri dhe financimin e terrorizmit, nxjerr në pah të dhëna mjaft interesante sa i përket këtij fenomeni në vendin tonë.
Drejtori i Përgjithshëm i Drejtorisë së Përgjithshme të Parandalimit të Pastrimit të Parave në vendin tonë, z.Arlind Gjokuta, në një intervistë për `Scan`, sqaron se, ka pasur progres të ndjeshëm dhe se ka ende gjëra për të bërë.
Ndër të tjera, kreu i njësisë së inteligjencës që lufton këtë fenomen vë theksin edhe te roli mjaft i rëndësishëm që luajnë institucionet financiare, bankare dhe jo-bankare, në vendin tonë në kuadër të kësaj lufte.
Në këtë drejtim, Shqipëria duket se shënon rezultatin e dytë më të mirë në botë.
Sipas z. Gjokuta, në kuadër të luftës ndaj fenomenin do të ketë edhe nisma të tjera që do të jenë konkrete shumë shpejt, si krijimi i dy regjistrave; ai i përgjithshëm i llogarive bankare por edhe ai i pronarëve.
Ky i fundit do të shërbejë si një pikënisje për të zbuluar ata që qëndrojnë prapa kompanive të tipit off-shore.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.