Lufta ndaj trafiqeve- Dogana shqiptare rrit bashkëpunimin me autoritetet britanike
Drejtori i Përgjithshëm i Doganave, Genti Gazheli zhvilloi një takim Ministren e Jashtme të Anglisë, Wendy Morton, e cila ndodhet në vendin tonë për një vizitë zyrtare gjatë të cilit të pranishëm ishin dhe Drejtori i Autoritetit Portual të Durrësit, Pirro Vengu, dhe Drejtori I Policisë Kufitare dhe Emigracionit, Eduart Merkaj, u theksua rritja e bashkëpunimit me partnerët dhe fuqizimi i kontrollit kufitar.
Gazheli, vlerësoi mbështetjen e deritanishme për administratën doganore, nga autoritete britanike, dhe sidomos përfaqësuesit e Border Force International dhe theksoi gjatë këtij takimi, se “një rëndësi të veçantë për strukturat Doganore gjatë gjithë punës së tyre është bashkëpunimi me partnerët ndërkombëtarë sidomos në fuqizimin e kontrollit kufitar”.
Gjatë fjalës së tij Gazheli u shpreh se Administrata Doganore Shqiptare, gjatë viteve të fundit ka rritur kontrollet , jo vetëm në Portin e Durrësit, por në të gjitha pikat kufitare duke bashkëpunuar me të gjitha agjencitë ligj zbatuese vendase dhe ato homologe.
“Vetëm pak kohë më parë në kuadër të bashkëpunimit Autoritetet e Border Force International i dhuruan Administratës Doganore Shqiptare tre pajisje kontrolli “Agilent”, në funksion të luftës kundër trafiqeve të paligjshme”, shkruhet në njoftim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.