Lufta tregtare – Juncker: BE përgatit kundërmasat ndaj markave tregtare të SHBA

Bashkimi Evropian po planifikon të miratojë masa kundër disa prej markave kryesore amerikane pas kërcënimit të presidentit amerikan, Donald Trump me luftë globale të tregtisë, tha presidenti i komisionit Europian Jean-Claude Juncker.

Trump njoftoi të martën planet për të futur tarifa të larta për importin e çelikut dhe aluminit, respektivisht 25% dhe 10%, të cilat sipas tij do të lajmërohen në mënyrë zyrtare gjatë javës që vjen.

“Tani edhe ne gjithashtu do të imponojmë tarifa të importit. Ky është një thelb një proces ‘idiot’, fakti që ne duhet ta bëjmë këtë. Por ne duhet ta bëjmë atë. Tani vendosim tarifa për motorët, Harley Davidson, për xhinset blu, Levis, në Bourbon. Në gjithashtu mund të bëjmë budallallëqe”, tha ai.

Ndërkohë, Fondi Monetar Ndërkombëtar (FMN) paralajmëroi të premten se plani i Trump do të shkaktojë dëme si në nivel ndërkombëtar, ashtu edhe në vetë ekonominë amerikane. Zëdhënësi i FMN-së, Gerry Rice u bëri thirrje shteteve për të zgjidhur mosmarrëveshjet tregtare pa hapa të tillë ekstremë.

“Ne inkurajojmë Shtetet e Bashkuara dhe partnerët e saj tregtarë të punojnë së bashku në mënyrë konstruktive dhe për të reduktuar barrierat për tregti dhe për të zgjidhur mosmarrëveshjet tregtare, pa zbatuar masa të tilla të jashtëzakonshme.”

Ndërkohë, pakënaqësi ndaj këtyre masave ka shprehur edhe kryeministri kanadez, Justin Trudeau.

“Natyra e papranueshme e këtyre propozimeve që do t’i lëndojnë ata po aq sa do të na dëmtojnë ne.”

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.