Luftë krimit dhe siguri në rrugë – Lleshaj: Njësi për Krimin Ekonomik, Inteligjencën, Krimin Kompjuterik dhe të kërkuarit
Për 2020, dy prioritetet kryesore për Policinë e Shtetit do të jenë lufta kundër krimit të organizuar dhe siguria rrugore, ndërkohë që për t’u përballur suksesshëm me zhvillime e fenomene të reja të krimit, do të ngrihet 4 Njësi të posaçme në Policinë e Shtetit, me ekspertët më të mirë.
Në një analizë me 12 Drejtoritë Vendore të Policisë të Policisë, Ministri i Brendshëm Sandër Lleshaj tha se do të ngrihen Njësi të posaçme për Krimin Ekonomik, Inteligjencën, Krimin Kompjuterik dhe kapjen e të kërkuarve, ndërkohë që prioritet parësor për Policinë e MB mbeten shërbimet online për qytetarët.
Lleshaj tha se shpejt do të jetë gati dhe miratohet paketa e njohur si “KÇK”.
Ministri kërkoi nga gjithë strukturat policore angazhim të fortë për luftën kundër trafiqeve dhe kontroll të rreptë të territorit. Masat për luftën kundër kanabisit do të nisin që në ditët e para të Janarit, e po ashtu edhe përgatitjet për mbarëvajtjen e sezonit turistik.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.