Lulzim Basha takim me Prodhuesit Shqiptarë: “Mungesa në likuiditetit dhe në garancinë sovrane po e dërgojnë sektorin drejt falimentimit”

Kryetari i Partisë Demokratike, Lulzim Basha së bashku me anëtarë të kryesisë së Selisë Blu është takuar me Përfaqësues të Bashkimit të Prodhuesve Shqiptarë për të folur mbi krizën që pandemia e COVID-19 ka shkaktuar në kompanitë që sigurojnë zinxhirin e prodhimit të funksionojë normalisht.

Sipas z.Basha paketat ekonomike të qeverisë nuk e kanë ndihmuar deri më tani sektorin. Mungesa e likuiditet dhe mungesa e aksesit në garancinë sovrane janë dy problematikat kryesore që mund të dërgojnë drejt falimentim këtë sektor shprehet kryedemokrati.

Gjithashtu kryetari i PD-së i ka bërë një akuzë të drejtpërdrejtë qeverisë se ka paguar gjithsej 40 milionë euro për shqiptarët, ndërsa po kaq ka paguajtur për 2 km rrugë në ndërtimin e Unazës së re:

Postimi i plotë

Partia Demokratike dhe Opozita e Bashkuar është në krah të bizneseve për ti ndihmuar që ta përballojnë krizën ekonomike.

Sot u takova me Përfaqësues të Bashkimit të Prodhuesve Shqiptarë të cilët ndanë shqetësimet e tyre të mëdha për krizën. Paketat ekonomike të qeverisë nuk e kanë ndihmuar aspak këtë sektor që çdo ditë e më shumë po varfërohet dhe rrënohet nga pandemia e krizës ekonomike. Mungesa e likuiditetit në zinxhirin prodhues shoqëruar dhe me mungesën e aksesit në garancinë sovrane e ekspozojnë sektorin e prodhimit shqiptar ndaj rrezikut nga falimentimi, çka do të çojë në largimin e mijëra shqiptarëve nga puna.

Ndava me ta shqetësimin e thellë se pandemia ekonomike po godet çdo sektor të ekonomisë duke rritur ndjeshëm varfërinë dhe papunësinë për njerëzit. Sot ka shumë qytetarë që nuk kanë marrë asnjë lek ndihmë nga qeveria. Shumica e bizneseve nuk kanë përfituar asnjë ndihmë dhe po detyrohen të mbyllen dita-ditës.

Qeveria dështoi në menaxhimin e krizës që erdhi nga pandemia, duke u shkaktuar një dëm të madh shqiptarëve dhe duke vepruar vetëm në favor të klientëve të saj. Rama ka paguar gjithsej rreth 40 milionë euro për shqiptarët, ndërkohë që po kaq ai ju ka paguar me nje dorë vetëm për 2 km rrugë klientëve të tij tek Unaza e Re.

Shqetësimet e ngritura nga Bashkimi i Prodhuesve Shqiptarë janë të drejta dhe unë dhe PD jemi në krah të biznesit e në mbështetje të kërkesave të tyre legjitime. Përmbushja e këtyre kërkesave është rruga për të shmangur katastrofën ekonomike dhe papunësinë pasojat e së cilës janë të papërballueshëm për njerëzit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.