Lulzim Basha takim me Shoqatën e MikroFinancës: “Mbështetje për fuqizimin e të rinjve dhe bujqësinë”
Kreu i Partisë Demokratike, Lulzim Basha ka kryer ditën e sotme një takim me Shoqatën e MikroFinancës Shqiptare.
Në turin e takimeve të tij, z.Basha e ka bërë të qartë se ekonomia është prioriteti kryesor i Partisë Demokratike pas goditjes së rëndë që ajo ka marrë nga COVID-19, si dhe keqmenaxhimi i situatës nga qeveria.
Në këtë mënyrë sipas tij është mjaft e rëndësishem të vlerësohet puna e të gjithë aktorëve që po marrin përsipër të ndihmojnë në këtë situatë, siç është edhe rasti i Shoqatës, ku kreu i PD-së i ka falënderuar për ndihmën që ato kanë treguar ndaj zbatimit të moratoriumit, që ka ndihmuar kredimarrësit në situatën e rënduar pas pandemisë.
Sipas kryedemokratit janë disa objektiva kryesore që PD ka në vëmendjen e saj kryesore për të ringritur në këmbë sa më fortë ekonominë:
“Në planin tonë ne planifikojmë garanci shtetërore ndaj institucioneve të mikrokreditit për të ndihmuar ato në kreditimin e ndërmarrjeve të vogla dhe të mesme të drejtuara kryesisht nga të rinjtë, ndërsa me prioritet do të konsiderohet dhe mbështetja për bujqësinë. Programi ekonomik i Partisë Demokratike ka në fokus të tij uljen e barrës fiskale sidomos për biznesit e vogël, mbështetjen me subvencione ndaj fermerit me të paktën 100 milionë euro në vit, eliminimin e procedurave të tepërta burokratike dhe krijimin e kushteve për konkurrencën e lire e të ndershme nëpërmjet një procesi dialogu me të gjithë aktorët kryesorë të tregut financiar.”- u shpreh kreu i opozitës Lulzim Basha në takimin me Shoqatën e Mikrofinancës Shqiptare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.