“Lupë” për transmetimet në media – Krasniqi: Rishikojmë Kodin, shtyllat kyçe ku do të fokusohemi!
Autoriteti i Medias Audiovizive ka nisur punën për rishikimin e Kodit të Transmetimit për Median Audiovizive me qëllim vënien në jetë të një qasje të re rregullatore, më të kujdesshme dhe konform praktikave më të mira europiane.
Kryetarja e AMA, Armela Krasniqi bëri me dije se Kodi i ri do të synojë të adresojë gjuhën e urrejtjes dhe do të sigurojë pluralizimin më median audiovizive.
Sipas saj, ky dokument do t’i paraprijë zhvillimit të qëndrueshëm të mediave audiovizive në vend.
Në tryezën e diskutimeve mbi rishikimin e kodit të transmetimit ishin pjesëmarrës ekspertë të huaj, përfaqësues të institucioneve shqiptare, Kuvendit, Komisionit të Medias, botës akademike, shoqërisë civile dhe përfaqësues të medias.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.