Macron dhe Modi në Paris – Premtojnë bashkëpunim për të ulur emetimet e karbonit

Liderët e Francës dhe Indisë premtuan se do të bashkëpunojnë për të ulur emetimet e karbonit, duke ri-konfirmuar angazhimet e tyre ndaj marrëveshjes së Parisit, ndërkohë që Presidenti i Shteteve të Bashkuara vendosi të tërheqë vendin nga pakti mbi ndryshimin klimatik.

“Në luftën për planetin tonë, ne do të punojnë së bashku”, tha Presidenti francez Emmanuel Macron, pas një takimi në Paris me Kryeministrin e Indisë, Narendra Modi.  Ndërsa asnjë nga liderët nuk e përmendi emrin e Donald Trump, të dy theksuan angazhimet e tyre për marrëveshjen e Parisit, për të cilën presidenti i Shteteve të Bashkuara tha se dëmton ekonominë.

“Ne kemi një përgjegjësi të përbashkët”, tha Narendra Modi.  “Ne jemi plotësisht të angazhuar për çështjet politike, ekonomike dhe të mjedisit. Ne i jemi përkushtuar marrëveshjes së Parisit dhe do të vazhdojmë kështu”, shtoi ai.

Franca është emetuesi i 17-të më i madh në botë i karbonit, ndërsa India mban vendin e 3-të, sipas të dhënave të Bashkimit Europian.

Si i tërë,  Bashkimi Europian do të zinte vendin e 3-të, pas Shteteve të Bashkuara, duke çuar Indinë në vendin e katërt.  Macron pranoi ftesën e Kryeministrit të Indisë që të vizitojë vendin më vonë gjatë vitit në një takim për të promovuar energjinë diellore.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.