Macron: ‘Franca është përkrah Italisë në këtë betejë/ Europa nuk duhet të tregohet ‘egoiste’!
Presidenti francez Emmanuel Macron, në një intervistë për mediat italiane, ka deklaruar se Franca është në krah të Italisë, në këtë situatë të vështirë që gjendet përballë koronavirusit, duke i bërë thirrje Europës se duhet të tregojnë një solidaritet më të madh buxhetor krahas kësaj gjendjeje.
“Franca është përkrah Italisë,” tha Macron në një intervistë për gazetat italiane La Repubblica, Corriere della Sera dhe La Stampa.
“Flitet shumë për ndihmën kineze ose ruse, por pse nuk themi se Franca dhe Gjermania ka dorëzuar në Itali 2 milion maska dhe dhjetëra mijëra masa të tjera mbrojtëse.”- ka shprehur ndër të tjera Macron.
“Nuk është e mjaftueshme, por ky është vetëm fillimi dhe ne nuk duhet ta lejojmë veten të ‘infektohemi’ me ato që thonë partnerët tanë ndërkombëtarë dhe konkurrentët”.
Italia, një nga vendet më të goditura nga virusi në të gjithë botën, pati një qëndrim të ashpër ndaj Francës dhe Gjermanisë, për shkak se këto vende treguan indiferentizëm ndaj kërkesës së Italisë për maska dhe pajisje të tjera mjekësore, që mund të parandalonin përhapjen e virusit.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.