Maji, pozitiv për bursat botërore – Po mbyllet muaji i katërt radhazi në rritje, priten të dhëna gjatë Javës
Titujt botërorë të kapitalit pritet të tregojnë rritjen e katërt radhazi mujore në fund të tregtisë së sotme, përpara publikimit të disa të dhënave në Europë dhe SHBA që do konfirmojnë nëse ekonomia botërore ndodhet në rrugën e rimëkëmbjes. Indeksi MSCI për aksionet botëror u rrit në nisje të tregtisë dhe prite të tregojë rritje me 1.4% për muajin Maj. Kjo është periudha më e gjatë e rritjeve mujore për indeksin që prej Gushtit 2020, kur u rrit për 5 muaj radhazi.
Megjithatë, bursat europiane dhe kontratat futures amerikane janë tregtuar në qetësi ditën e hënë, për shkak të pushimeve në SHBA dhe Britani. Muaji Maj ka qenë pozitiv për tregjet e aktiveve, por politkëbërësit po përballen me dilemë ndërkohë që inflacioni është rritur sipër objektivave. Ndër të dhënat kryesore të Javës do jetë raporti i punësimit në SHBA, ku projektohet një rritje me 650,000 e vendeve të punës. Pavarësisht rritjes së fortë të inflaiconit, nëse tregu i punës dështon të arrijë pritshmëritë, do ketë presione tek Rezerva Federale për të zgjatur stimujt monetarë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.