Maji “zhyt” euron/ Monedha europiane prek minimumin historik, u këmbye me 120.47 lekë mesatarisht!

Gjatë majit, monedha e përbashkët europiane është këmbyer mesatarisht me 120.47 lekë. Kjo vlerë shënon minimumin historik sa i përket kursit të këmbimit mes lekut dhe euros, sinjalizojnë shifrat më të fundit të publikuara nga Banka e Shqipërisë. Asnjëherë më parë, monedha e përbashkët europiane nuk kishte mbyllur ndonjë muaj me një mesatare kaq të ulët këmbimi kundrejt lekut. Të dhënat tregojnë gjithashtu se, ndër 10 muajt kur kursi i këmbimit mes Euros dhe Lekut ka prekur nivelin më të ulët historik, 4 muaj përfaqësojnë pikërisht vitin aktual, më saktësisht: Janari, Shkurti, Prilli dhe Maji. Përjashtim të vetëm bën muaji mars i këtij viti, kur monedha europiane këmbehej mesatarisht me 122.96 lekë. Edhe të dhënat që i referohen kursit të këmbimit të euros me monedhën vendase në ditën e fundit të muajit, tregojnë se maji ka regjistruar një rekord historik, me një kurs këmbimi prej 120.75 lekësh. Kujtojmë se më herët gjatë muajit, monedha e përbashkët europiane në ditë të caktuara këmbehej edhe poshtë nivelit të 120 lekëve…Për të lexuar artikullin e plotë klikoni këtu!

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.