Makina e parë elektrike e Ferrarit është edhe më e fuqishmja

Vetura e parë Ferrari sportive hibride-elektrike, është gjithashtu edhe makina më e fuqishme e prodhimit të Ferrarit të të gjitha kohërave. Ferrari Stradale SF90 ka një motor V8 prej 3.9 litra dhe tre motore elektrikë që së bashku mund të prodhojnë deri në 986 kuaj-fuqi. Dy nga motorët nxisin rrotat e përparme të makinës, ndërsa i treti është i lidhur me motorin me benzinë ​​të montuar prapa sediljeve. Ajo gjithashtu ka një transmetim me tetë shpejtësi të ngjashme me atë të një makine garash Formula Një.

SF90 do të jetë në gjendje të shkojë nga zero në 100 km/h në pak më shumë se dy sekonda dhe të arrijë një shpejtësi maksimale prej 211 km/h. Makina mund të nxitet në mënyrë të plotë elektrike deri në 15 milje dhe mund të shkojë aq shpejt sa 84 milje në orë duke përdorur vetëm motorët e saj elektrikë. Normalisht, makina do të funksionojë si një hibrid, duke u mbështetur në motorin e benzinës dhe motorët elektrikë.

Makinat e para do të jenë të gatshme për konsumatorin e gjerë në fillim të vitit të ardhshëm. Ferrari nuk ka njoftuar ende për një çmim për SF90 por, edhe nëse mbetet shumë e shtrenjtë, do të kushtojë më pak se variantet e ngjashme të prodhuara më parë.

Ndryshe nga shumica e makinave, SF90 nuk ka një ekran të madh kompjuteri në qendër të pultit të saj. Në vend të kësaj, të gjitha ekranet digjitale janë përpara shoferit ku treguesit dhe informacione të tjera, si p.sh. navigimi, shfaqen së bashku.

Burimi: CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.