Makina e parë elektrike fluturuese në botë për gara është gati të ngrihet në qiell (VIDEO)

Makinat e para elektrike në botë të fluturimit elektrik sapo kanë përfunduar testet e nevojshme për t’u ngritur më vonë këtë vit në një seri garash ndërkombëtare.

Premiera globale e këtyre multikopterëve të kontrolluar nga distanca ishte menduar të ndodhte në vitin 2020, por si shumë ngjarje të tjera, u desh të shtyhej për shkak të pandemisë.

Historia e Airspeeder filloi në verën e vitit 2019 kur sipërmarrësi Matthew Pearson ndau ambicien e tij për të krijuar serinë e parë garuese në botë për makina elektrike fluturuese.

Kompania e ngarkuar me zhvillimin, Alauda Aeronautics dhe kompania e saj motër Airspeeder sapo kanë njoftuar se Alauda Airspeeder Mk3, një multicopter katër metra i gjatë, ka kryer fluturimet e tij të para provë.

Këto fluturime të para u zhvilluan në vende të panjohura testimesh në shkretëtirat e Australisë së Jugut nën vëzhgimin e Autoritetit të Sigurisë së Aviacionit Civil të Australisë (CASA).

Këto teste të suksesshme do të lejojnë organizatorët të fillojnë serinë e garës ‘Airspeeder EXA’ më vonë këtë vit në tre vende ndërkombëtare që do të zbulohen së shpejti. Ata premtojnë të punojnë me pilotët elitë të tërhequr nga aviacioni dhe motorsporti. (EN)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.