Makinat gjermane jashtë SHBA – Trump nuk do të shohë më asnjë Mercedes në rrugët New York-ut
Revista gjermane Wirtschaftswoche, raportoi se Presidenti Donald Trump synon të nxjerrë makinat gjermane jashtë Shteteve të Bashkuara dhe se i ka thënë presidentit francez Emmanuel Macron se kërkon të ndalojë makinat Mercedes Benz që të udhëtojnë në New York.
Prodhuesit gjermanë kontrollojnë 90% të tregut të makinave premium në SHBA, me BMW që zotëron Rolls Royce dhe marka të tjera, Daimler zotëron Mercedes Benz dhe Volkswagen kontrollon Bentley, Bugatti, Porsche dhe Audi.
Administrata e Donald Trump ka hapur një proces hetimi, për të zbuluar nëse importet kanë dëmtuar industrinë e makinave në Shtetet e Bashkuara.
Duke cituar zyrtarë të Bashkimit Europian dhe Shteteve të Bashkuara, revista bën të ditur se Trump i ka thënë Macron gjatë takimit në muajin Prill se ai do të ndjekë politikat tregtare deri sa asnjë model Mercedes Benz të udhëtojë në New York. Brenda Bashkimit Europian, Gjermania është eksportuesi më i madh i makinave drejt Shteteve të Bashkuara.
Importet e makinave për pasagjerë të Bashkimit Europian nga Amerika arrinin në 6.2 miliardë euro vitin e kaluar, ndërsa eksportet e bllokut u rritën sipër 37 miliardë eurove, sipas ACEA.
Prodhuesit gjermanë kanë montuar 804,000 makina në fabrikat në SHBA vitin e kaluar dhe kanë eksportuar më shumë se 657,000 në Amerikën e Veriut nga Gjermania.
Berlini ka reaguar ashpër ndaj hetimit të Shteteve të Bashkuara ndaj importeve të makinave, gjë që mund të sjellë në tarifa mbi 25% për motive të sigurisë kombëtare.
Sipas analistëve, vendosja e një tarife të tillë do të shkatërronte biznesin e prodhuesve gjermanë, duke sjellë një barrë prej 4.5 miliardë euro për prodhuesit e makinave premium në Gjermani.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.