Manastirliu konferencë të përbashkët me drejtorin e OBSH-së për Europën – Testi i shpejtë gati për 8-10 javë

Gjatë ditës së sotme është mbajtur takimi midis drejtorit të OBSH për Europën dr. Hans Kluge dhe Ministres Ogerta Manastirliu, për sfidën e madhe të përballjes së bashku me Covid-19

Gjatë takimit është folur për përmirësimet që ka bërë Shqipëria në fushën e shëndetësisë duke përfshirë edhe rritjen e rrogave me 40% për personelin shëndetësor.

Gjatë konferencës  Manastirliu është shprehur se Shqipëria është bërë pjesë e një studimi klinik së bashku me vendet pjesëmarrëse të Europës ku për herë të parë bëhemi pjesë e këtij niveli studimor.

“Shqipëria është listuar në vendet e Covax për të aksesuar vaksinën. Së bashku me dr Kluge firmosim një marrëveshje ndërmjet vendit tonë dhe OBSH, kjo marrëveshje është një angazhim real për të shtuar kapacitetet e vendit tonë gjithashtu edhe me pajisje inovative dhe teknologjike që ndihmojnë në shëndetësi” është shprehur Manastirliu

Dr Kluge gjatë fjalimit të tij ka thënë se është shumë e rëndësishme të kuptohet që Covid është një problem i vërtetë dhe jo një grip i zakonshëm dhe mbulimi me shërbime shëndetësore është prioritet.

“Unë dua të shpreh mirënjohjen për përgjigje e shpejtë dhe vendimtare për Shqipërinë. Shqipëria është ndër të paktat vende që nuk përjetoi një valë të parë për shkak të rregullave strikte që vendosi në fillim.

“Ne duhet të mbështesim procesin e përshkallëzimit dhe karantinimit. Edhe në qoftë se vjen vaksina sasia do të jetë më e vogël se sa nevoja dhe të parët do të jetë personeli shëndetësor dhe të moshuarit që do kenë akses”, ka thënë Kluge

“Nëse do të rritej mbajtja sistematike dhe të kishte kontroll strikt, do të ishin shpëtuar 261 mijë jetë në gjithë botën” shtoi Kluge.

E pyetur në nëse do të futen në Shqipëri testet e shpejta dhe kur , Manastirliu është shprehur se në strategjinë tonë janë marrë masa për financim dhe aktualisht është aplikuar në instrumentin europian për blerjen e testeve të sigurta dhe do të kemi mundësi të mbështetemi nga OBSH për testet e shpejta ndërsa financimi është gati.

Duke folur për vaksinën Kluge ka thënë se: “Vaksina është ajo që ne e quajmë një e mirë globale dhe një përqindje do të ketë akses por kush do jenë të parët?

“20 % që ka prioritet përfshin 3% që do e marrin të parët janë stafet mjeksore pastaj të moshuarit, dhe pjesa tjetër personat me sëmundje të tjera që hyjnë në grupin e rrezikut,” tha Kluge.

“OBSH kërkon barazinë në akses për vaksinën në të njëjtën kohë ku kemi rënë dakord ku vendet e Ballkanit perëndimor do të përfitojnë nga kjo vaksinë si dhe vendet e BE-së”, shtoi Kluge

I pyetur për testet e shpejta, Kluge është shprehur se testet e shpejta është menduar që mund të vijnë për 8 apo 10 javë por po mundohemi ta përshpejtojmë procesin.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.