Manastirliu në Rinas: “Inspektim të masave higjieno-sanitare dhe përforcim të survejancës për virusin kinez”
Ministrja e Shëndetësisë Ogerta Manastriliu, vizitoi sot Aeroportin “Ndërkombëtar “Nënë Tereza” në Rinas, për një inspektim të zbatimin të masave në kuadër të Planit të Veprimit të miratuar të Task-Forcës, në lidhje kryesisht me virusin kinez të përhapur së fundmi.
Gjatë vizitës Manastirliu theksoi se janë ndërmarr masa për përforcimin e survejancës, kontrollit të kushteve higjieno-sanitare, në kuadër të kontrollit dhe mbrojtjes ndaj koronavirusit të ri, me njësinë shëndetësore të Inspektoratit Shtetëror Shëndetësor.
Sipas ministres njësia e posaçme shëndetësorë në aeroport e cila është aktive 24 orë në ditë gjatë 7 ditëve të javës ka të njëjtën procedurë sikurse dhe pikat kufitare dhe portet e vendit.
Rregullorja e vendosur në këtë moment është e njëjtë me atë të vendeve të tjera në botë për t’u përballur më çdo rast të mundshëm të prezencës së virusit kinez.
Në inspektim për zbatimin e masave në kuadër të Planit të Veprimit të miratuar të Task-Forcës, për përforcimin e survejancës, masave higjeno-sanitare, në kuadër të kontrollit dhe mbrojtjes ndaj koronavirusit të ri, me njësinë shëndetësore të Inspektoriatit Shtetëror Shëndetësor, në Aeroportin "Ndërkombëtar "Nënë Tereza" në Rinas✈️
Posted by Ogerta Manastirliu on Wednesday, January 29, 2020
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.