Maqedoni, nis të martën Panairi Ndërkombëtar i Ndërtimit. Rreth 300 kompani pjesëmarrëse
Nis këtë të martë Panairi ndërkombëtar i Ndërtimit në Shkup, i cili do të jetë i hapur nga datat 28 Shkurt deri më 4 Mars. Sipas mediave, afro 300 kompani do të jenë pjesëmarrëse në edicionin e 14-të të Panairit ndërkombëtar për Ndërtimin, i cili do të jetë i hapur në tre salla në Shkup.
Në Panair do të prezantohen materialet dhe mekanizmat e ndërtimit, si dhe për herë të parë ekspertë nga fusha e energjisë do të prezantojnë masat, përfitimet dhe metodat e vendosura për kursimin e energjisë.
Gjithashtu, përfaqësues të disa bankave do të informojnë vizitorët me shërbimet për ofrimin e kredive për shtëpi. Drejtorja operative e Panairit për Ndërtimin Valentina Dimitrova në konferencën për mediat tha se panairi është i rëndësishëm për promovimin e degëve më të mëdha ekonomike në Maqedoni. Panairi do të jetë i hapur çdo ditë nga ora 10:00 deri në orën 19:00.
Osman Dedja/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.