Maqedonia humb 20 për qind të prodhimit bujqësor
Deri në 20 për qind në vit arrijnë humbjet në bujqësinë e Maqedonisë. Lajmi është konfirmuar nga analiza e fundit e “Koalicionit Rural” .
“Çdo vit një pjesë e madhe e prodhimtarisë bujqësore të Maqedonisë dështon për shkak të ruajtjes jo të duhur, në depo të improvizuara të cilat janë nën ndikimin e kushteve të motit. Kjo është një prej arsyeve që i ofron fermerët për të kryer shitje të prodhimeve me çmime shumë të ulëta ose t’i hedhin ato”, thuhet në analizë.
Ruajtja jo e mirë prodhimtarisë e zvogëlon cilësinë për çka edhe çmimi zvogëlohet.
“Ky problem ende është një prej më të rëndësishmëve për bujqësinë e Maqedonisë dhe më së shumti i prek prodhuesit e mollëve, pjeshkëve, dardhave, rrushit, domateve, patateve”, thekson “Koalicioni rural”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.