Marrëveshja më e madhe në histori e çipave kompjuterik dështon!
Shitja rekord e SoftBank e një projektuesi të çmuar të çipave te Nvidia është anuluar zyrtarisht. Me një vlerë fillestare prej 40 miliardë dollarësh, blerja e firmës britanike të dizajnit ARM nga prodhuesi amerikan i çipave do të ishte marrëveshja më e madhe e regjistruar e gjysmëpërçuesve.
Por rregullatorët në mbarë botën kanë ngritur prej kohësh shqetësime rreth marrëveshjes, duke çuar përfundimisht në kolapsin e saj të martën. Në një deklaratë, SoftBank përmendi “sfida të rëndësishme rregullatore” që e penguan atë të përfundonte marrëveshjen. Ai tha se në vend të kësaj do të përgatiste ARM për ofertë publike brenda vitit fiskal që përfundon në mars 2023.
Sipas kushteve të marrëveshjes, SoftBank kishte marrë tashmë një depozitë prej 1.25 miliardë dollarësh gjatë nënshkrimit. Kjo pagesë ishte e pakthyeshme dhe “do të njihet si fitim” në të ardhurat e konglomeratit japonez për tremujorin që përfundon këtë mars, tha ai.
ARM dizajnon çipa të përdorur nga Apple dhe prodhues të tjerë të mëdhenj të smartfonëve. Firma është e vendosur në Kembrixh dhe njihet si një nga kompanitë më të suksesshme të teknologjisë në Britani.
Në dhjetor, Komisioni Federal i Tregtisë i SHBA-së paditi për të bllokuar marrëveshjen, duke thënë se kjo do të mbyste konkurrencën dhe do t’i jepte kompanisë së kombinuar shumë kontroll mbi teknologjinë dhe dizajnet e çipave. Komisioni Europian gjithashtu nisi një hetim mbi marrëveshjen në fund të vitit të kaluar.
Marrëveshja do të duhej të kalonte miratimet rregullatore nga Mbretëria e Bashkuar, Bashkimi Evropian, Shtetet e Bashkuara dhe Kina. Nëse do të kishte përfunduar, do të ishte marrëveshja më e madhe e industrisë së gjysmëpërçuesve, duke kaluar në krye të blerjes së Broadcom nga Avago në 2015, sipas Dealogic.
Duke folur në një prezantim të fitimeve të martën, CEO i SoftBank Masayoshi Son mbeti optimist për planet e ardhshme për ARM. Ndërsa ai pranoi se kompania e tij tani po lëvizte drejt një “plani B”, ai tha se SoftBank fillimisht kishte shpresuar të merrte ARM publike pasi e kishte blerë atë vite më parë. CNN
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.