Marrëveshja më e madhe tregtare në botë mund të nënshkruhet në vitin 2020 – dhe SH.B.A.-të nuk do të jenë pjesë e saj
Pas më shumë se 6 vitesh negociata, dhjetëra shtete në rajonin e Azisë janë duke synuar për arritjen e një marrëveshje tregtare, që do të ishte më e madhja e këtij lloji në vitin 2020.
Marrëveshja, e quajtur ‘Partneriteti Ekonomik Rajonal Gjithëpërfshirës’ ose RCEP, përfshin 10 shtete nga Shoqata e Shteteve të Azisë Juglindore dhe 5 partnerët e saj kryesorë si Australia, Kina, Zelanda e Re dhe Korea e Jugut.
Së bashku, të 15 shtetet përbëjnë 1/3 e popullsisë së botës dhe produktit të brendshëm bruto global, sipas një raporti i përgatitur nga Reuters.
Kjo marrëveshje është më e madhe në llojin e saj edhe se ajo e Bashkimit Europian apo ajo midis SHBA-ve, Meksikës dhe Kanadasë.
Super-marrëveshja filloi me 16 shtete, por India vendosi të mos i bashkohet më vonë përmbi vazhdën e shqetësimeve se do të dëmtojë prodhuesit e shteteve të Azisë Jugore.
Rëndësia e RCEP dhe ‘’braktisja’’ e SHBA-ve
RCEP u nis në Nëntor 2012 në Phnom Penh, Kamboxhia si një iniciativë nga shtetet e ASEAN për të inkurajuar tregtinë midis shteteve anëtare të saj dhe gjashtë vendeve të tjera.
Gjashtë vendet e tjera – Australia, Kina, India, Japonia, Zelanda e Re dhe Koreja e Jugut – tashmë kanë marrëveshje të pavarur të tregtisë së lirë me ASEAN. Bashkimi nën RCEP do të nxiste tregtinë në të gjithë grupin duke ulur tarifat, standardizuar rregullat dhe procedurat doganore, dhe zgjeruar aksesin në treg, veçanërisht në mesin e vendeve që nuk kanë marrëveshje ekzistuese tregtare.
Të 16 vendet filluan negociatat për RCEP në 2013, kur bisedimet për një pakt tjetër të madh tregtar – Partneriteti Trans-Paqësorit ose TPP – ishin duke u zhvilluar. Duke pasur parasysh mungesën e Kinës në TPP-në e drejtuar nga SHBA, e cila ishte parashikuar të ishte marrëveshja më e madhe tregtare në botë, shumë vëzhgues e konsideruan RCEP një mënyrë që Pekini të kundërshtonte ndikimin amerikan në rajon.
Në vitin 2017, megjithatë, Presidenti i Sh.B.A. Donald Trump tërhoqi vendin e tij nga TPP dhe goditi tarifat ndëshkuese për disa partnerë tregtarë të Sh.B.A-së për ato që ai tha se ishin praktika të padrejta tregtare.
Në veçanti, lufta tregtare e SHBA-Kinë ka dëmtuar shumë eksportues aziatikë duke ulur kërkesën për mallrat e tyre dhe duke ngadalësuar rritjen. Urgjenca për të përfunduar RCEP u rrit pas gjithë kësaj.
“RCEP u luftua shumë, por një zgjedhje u bë më e lehtë nga llogaritja që i duhej Azisë për të nxitur kundër proteksionizmit edhe kur Shtetet e Bashkuara zgjodhën atë rrugë,” shkruajtën akademikë nga Universiteti Kombëtar Australian në një raport.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.