Masa të reja të kufizimeve në Britani. Sistem me nivele rreziku, Londra i shpëton masave më të ashpra
Londra do të vendoset në kategorinë e dytë më të lartë të rrezikut të Covid-19, kur të përfundojë karantina kombëtare më 2 Dhjetor, por pjesa më e madhe e Anglisë do të qëndrojë në nivelin më të ashpër, për të kontrolluar përhapjen e virusit. Kryeministri Boris Johnson ka lajmëruar se masat e karantinës kombëtare në Angli do të zgjasin një muaj dhe do të zëvëndësohen nga një system i kufizimeve rajonale, për të izoluar zonat më të goditura.
“Shpresa ndodhet në horizont, por kemi ende rrugë përpara. Nuk duhet të dorëzohemi”, – tha Sekretari i Shëndetësisë, Matt Hancock. Vendimi është pritur me interes nga bizneset në të gjithë vendin, pasi do të ndikojë aftësinë e tyre për të shitur gjatë pushimeve të Krishtlindjeve. Mikpritja është një ndër sektortë më të mëdhenj që do të pësojë goditje në nivelet më të larta të rrezikut. Londra do të jetë në nivelin 2, që përshkruhet si “gatishmëri e lartë”.
Londra ndodhej në nivelin 2 përpara karantinës kobmëtare, por javën e kaluar u lajmëruan disa rregulla më të ashpra për secilin nivel. Për Londrën, rregullat nënkuptojnë se nuk do të ketë takime të familjeve brenda dhe një maksimum prej 6 personash mund të takohen në ambiente të jashtme. Pjesë të mëdha të vendit, përfshirë qytetin verior të Manchester, janë vendosur në nivelin 3, që është më i larti, ku norma e infeksionit po rritet shpejtë. Në nivelin 3, qendrat e mikpritjes duhet të mbyllen, përveç se shërbimeve me porosi.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.