Masat e COVID-19/ Kosova bën hap mbrapa: Nuk nevojitet më dezinfektimi i kamionëve

Ministria e Brendshme kosovare ka bërë të ditur se nuk do të nevojitet më dezinfektimi i kamionëve për të hyrë në vend.

Reagimi vjen pasi në 1 qershor, dita e hapjes zyrtare të kufijve nga të dy vendet pas izolimit disa mujor, pala kosovare prezantoi një masë të re, ku kërkohej konfirmim brenda afatit 4 ditor i të qënurit negativ me Covid-19, si dhe për kamionët kërkohej dezinfektimi i tyre kundrejt një tarife.

Ministria kosovare sqaroi se kjo procedurë ishte vendosur për shkak të situatës së COVID-19 dhe më pas është bërë shqyrtimi për pezullimin e kontratës për maunet që vijnë në Republikën e Kosovës.

NJOFTIMI
Pezullohet kontrata për dezinfektimin e mauneve që vijnë në Republikën e Kosovës.
Dezinfektimi i kamionëve parashihej në kuadër të masave për luftimin e pandemisë së COVID-19.
Nga ky moment importuesit nuk kanë nevojë t’i dezinfektojnë maunet në pikat kufitare.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.